Ka filluar “Albania open “ne Vlore

Në qytetin bregdetar të Vlorës ka nisur këtë fundjavë edicioni i 22-të i Albania Open, garës ndërkombëtare të aeronautikës, i cili shënon prej disa vitesh edhe çeljen e sezonit turistik.

Këtë vit në garë janë mbi 75 pilotë, që është një numër shumë i madh dhe kjo kuptohet në pozicionimin e pilotëve. Jo të gjithë ngjiten lart në fluturim, presin radhën. Sa më shumë pilotë ka në vendin e uljes kjo tregon që aq më shumë pjesëmarrës ka. Risi në këtë edicion është ekipi francez që është me 10 persona.

Sot në mbrëmje do të shpallen edhe fituesit e këtij aktiviteti, ku do të jepet çmimi i fituesit të “Albania Open”, “Golden Lady” për piloten më të mirë femër si dhe “Ekipi më i miri.

Ky aktivitet për 22 vite me radhë është zhvilluar në qytetin e Vlorës, ku promovohet edhe riviera e mrekullueshme e vendit Shqiptar.