Suksesi i dronëve të armatosur turq vazhdon të pasqyrohet në mediat perëndimore

Kanali amerikan televiziv “CNN” ekzaminoi dronët e armatosur “Bayraktar TB-2”, ndërsa vuri në dukje sukseset e këtyre dronëve prodhim turk.

Hapat e Turqisë në fushën e industrisë së mbrojtjes nuk po bien nga agjenda e shtypit të huaj.

“CNN” ka përgatitur një reportazh të posaçëm për armët luftarake turke. Xhirimet u zhvilluan në objektet e prodhimit “Baykar” në Stamboll.

Dronët e armatosur “Bayraktar TB-2” ishin fokusi i lajmit, i cili përmendi gjithashtu avionin e parë luftarak pa pilot të Turqisë, “Molla e Kuqe” (Kizilelma).

Raporti special i “CNN” përfshinte gjithashtu një intervistë ekskluzive me kryetarin dhe udhëheqësin e teknologjisë së kompanisë turke “Baykar”, Selçuk Bayraktar.

Dronët “Bayraktar TB-2” janë faktorët që kanë ndryshuar drejtimin e luftës në Libi dhe Karabak, vuri në dukje raporti.