Rikthimi i Endrinës!

Read Time:55 Second

Sot ekipi i Fly Dardanisë ishte gjatë gjithë ditës në Golesh dhe Slivovë.

E veçanta e kësaj dite ishte rikthimi i Endrina Hazirit, anëtare e përhershme e klubit tonë. Një rikthim i mirëpritur, që i dha ditës edhe më shumë emocion e kuptim. në fluturim….

Pas një pushimi (Doktorature jashte Kosovës) të gjatë prej rreth një viti e gjysmë, sot në qiell u rikthye pilotja dhe anëtarja e përhershme e Fly Dardanisë, Endrina Haziri .

Endrina edhe para ndërprerjes kishte treguar rezultate të shkëlqyera në fluturim dhe ishte një nga pilotet që me seriozitet, përkushtim dhe qetësi ndërtonte sukseset e saj. Sot realizoi fluturimin e parë pas rikthimit dhe tregoi se është po ajo Endrinë që jemi mësuar ta shohim: e sigurt, e përqendruar dhe me vetëbesim në ajër.

Rikthimi i saj është një lajm i mirë për klubin tonë dhe dëshmi se pasioni për fluturimin nuk shuhet lehtë, pavarësisht kohës së kaluar larg qiellit.

Mirë se u riktheve, Endrina! Të urojmë shumë fluturime të sigurta dhe suksese të reja në rrugëtimin tënd në sportin e paragllajdit. …

Në ushtrime ishin Fadili dhe Gëzim Morina